|
Una nueva publikasion
Ya salio! Ya
salio!
Shay Le-Navon
LA ODISEA
Trezladada en ladino i ebreo del grego antiguo
por Moshe ‘Ha-Elion i Avner Perez
Estos dias, akava de salir en
la edision "Yeriot" (al lado del Instituto Maale-Adumim) el
livro "Shay le-navon – La
Odisea trezladada en ladino i ebreo por Moshe 'Ha-Elion i Avner
Perez", en onor del sr. Yitshak Navon, sinken prezidente de Israel, i
prezidente de la Autoridad Nasionala del Ladino i su Kultura, al kumplir 90
anyos.
Este livro es, en primer
lugar, un alkanse ekstraordinario de la kreasion klasika en ladino durante
todas la jenerasiones! Sinko anyos dediko Moshe 'Haelion, ke en estos dias
kumple 87 anyos, a esta ovra, tradusiendo la Odisea del orijen grego
antiguo. Tambien su estoria personal es una estoria admiravle i
ekstraordinaria: Nasio en Salonika, fue transportado a Aushwitz a la edad
de 18 anyos, fue el uniko reskapado de su famiya, izo aliya a Israel,
servio munchos anyos en la armada israeli i alkanso el grado de kilonel. A
su traduksion se adjunta la traduksion ebrea de la ovra por Avner perez, ke
es una kontribusion mueva a la etajera del "Omero ebreo".
No piedras la okazion de merkar este livro!
En Evropa, el precio es de 32 euros, dispacho
inkluido
En los Estados Unidos, el presio es de 44 $, dispacho
inkluido
Se puede pagar "en cash" (en billete) o en
cheke
Los chekes seran eskritos al nombre de Avner Perez
i embiados al adreso sigiente:
Instituto Maale Adumim POB 35 Maale Adumim ISRAEL
LIBRO DE ACTAS
DE LA JUNTA SELECTA DE LA COMUNIDAD
HEBREA DE TÁNGER,
DE 1860 A 1883
|
